الجمعة، 23 مايو 2008

مدونات مصرية للجيب

فكرة رائعة
كانت حلم أحمد المهني و أحمد البوهي من زمااااااان



أن كلام المدونات يبقى في كتاب مطبوع متاح لكل الناس بسعر رمزي



وأتبنت الفكرة دار أكتب بقيادة أ/ يحيى هاشم العزيز (مدير الدار)



وفعلاً الحلم أصبح حقيقة واقعة وبشدة !



وكان الحدث :



صدور العدد الأول من الكتاب (العدد الأول 270 ص لـ 42 مدونة بسعر 4جـ)



يوم الخميس 22-5-2008



مكتبة عمر بوك ستوز




في حفل هو الأول من نوعه في تاريخ أي حفل توقيع



حيث حضر أكثر من 200 مدون من مصر وخارجها أيضًا



(وكانت OTV بتسجل وكمان جريدة المصري اليوم)



وتم بيع 250 نسخة من العدد في هذا اللقاء الأكثر من رائع



والبقية تأتي.... دي البداية بس!




أنا فرحان أوي مع أني لسه جديد في التدوين



وحبيت بس أقول ألف مبرووووووك



وأعبر عن إعجابي وسعادتي



ودي صور أنا واخدها من مدونة أحمد الصباغ




أ/ يحيى هاشم مدير دار أكتب وهو بيقدم الكتاب




أحمد المهني وهو بيتكلم عن حلمه اللي بقى حقيقية زي الشمس

* معلش أنا أتأخرت في التدوينة دي بس أعمل اية امتحاناااااااااااااااااااات

أدعوا لي





هناك 6 تعليقات:

ٍSOU يقول...

ربنا يوفقك

Dr.Amor Medhat يقول...

شكرا لكِ يا صاحبة الطيارة الورق

مع تحياتي

Dr-Ahmed يقول...

طيب اشتريه منين ؟؟؟

MATRIX يقول...

ايوة كدا يعم ورينا مواضيعك الحلوة دى..

Dr.Amor Medhat يقول...

أحمد باشا
الكتاب بالقاهرة

عمر بوك ستورز شارع طلعت حرب
مكتبة البلد امام الجامعة الامريكيه
سندباد وسط البد خلف مكتبة مدبولى
سنابل شارع شريف
لهيئة العامه للكتاب فرع الزمالك
مكتبة ديوان الزمالك
مكتبة ديوان مصر الجديده
مكتبة أفاق شارع القصر العينى
المكتبة الدوليه مدينة نصر ش الطيران
كشك جرايد كوفى الامريكين - الاسعاف
كشك جرايد الجامعه الامريكيه

وعشان أنت محلاوي زيي
يبقى هتجيبه من (طنطا) المكتبة القومية في شارع القاضي
أو (المنصورة) مكتبة Books&Beans
أمام جزيرة الورد
وأي خدمة
عايزين نبقى معاهم العدد الجاي بقى
شد حيلك

Dr.Amor Medhat يقول...

ماتريكس حبيبي
يارب دايما حلوة بيك

أنا عايز استغلك بقى
!!!!!!