الأحد، 11 مايو 2008

ودفعت الـ 20 جـ !!!



((( إعلان هاااااام )))

نظرا لإرتفاع الأسعار الفاحش في البنزين والسولااااااااار

قدرت شركة ((مكة)) لنقل الطلبة والرحلات تكلفة الزيادة في الفترة المتبقية بحوالي 40 جنيهًا مصريًا فقط لاغير وسوف يتحمل الطلبة منهم 20 جنيهًا مصريًا فقط لاغير (!)

على أن تتحمل الشركة بقية المصاريف (!)

-تم-

ذلك هو الاعلان الذي تصطدم بيه عينيك - أول ما تركب أتوبيس مكة!-

ومن ساعتها وأنا بفكر:

- أيه الاستغلال ده ؟؟

ده بيخدوا أكتر من 500 جـ في السنة

وزودوا برده الاشتراك في التيرم الثاني

وفي أيام كتييييييييير مروحنهاش (أيام الاضطرابات, وفي أسبوع كده - كان فيه مولد و كله أجازة- عيد تحرير سينا ,شم نسيم ,عيد عمال)

ودي محسوبة على مين؟!!!

- أحنا طبعا.

وبعدين هو يعني لو البنزين رخص هيرجعوا لنا فلوس؟؟!!

-لأ طبعا.

وكدت أموت غيظا مع نفسي بسبب التفكير في ذلك الموضوع!

وفكرت أنني حينما يسألني على الـ 20 جـ

سأثور وأرفض وأعترض وأشجُب وأملأ الدنيا صراخًا!!

ولكنني وجدت شيئًا غريبًا جدًا.....

وجدت نفسي الوحيد الذي لم يدفع....

وأن كل طلبة مكة دفعوا الـ 20 جـ بهدوء تام !!!


أعرف بعض الأصدقاء الذين كانوا يفكرون معي بصوت عالي:

لا مش هندفع وهنركب عادي و... أشياء من هذا القبيل.

ولكن كل ده راح عند أول سؤال : " فين الـ 20 جـ؟؟" !!



وحينما ركبت الأتوبيس

الملاحظ : على فكرة في 20 جـ زيادة ... (بكل هدوء) معاك دلوقتي؟؟

أنا (بكل هدوء) طلعت المحفظة أديته 50 جـ والكارنية

وهو اداني 30 جـ الباقي


وبعدين طلعت ركبت الأتوبيس في رضى تام وبكل هدوء أيضًا !!!

هناك 6 تعليقات:

د / احمد فارما يقول...

دفعت ال 20 جنيه ههههههههههههه

ميه ميه .....

يعموووووور

Dr.Amor يقول...

اضحك اضحك
اااااااااه دفعت الـ 20 جـ
هعمل بس
ربنا يخـــ ....
ولا بلاش
لنا الله

ahmed gabre يقول...

ههههههههههه
على فكرة الحكاية دي مش عن اتوبي مكة الحكاية دي عن اتوبيس الدنيا اللي بنستسلم فيها بكل سهوله أول ما الملاحظ بيجي يطالبنا
حلوة يا عمووووووووووور

أبا يحيى وادم يقول...

السلام عليكم ورحمه الله وبركاته
هنقول ايه حسبى الله ونعم الوكيل
فى اللى رفع الاسعار
أول زياره لى لمدونتك وان شاء الله لن تكون الاخيره مادمت لديك كل جديد مفيد
أخوك
د/أحمد جمال

Dr.Amor يقول...

أحمد جبر
أولا : مبروك البيت بتاعك ع النت
وثانيا : ده فعلا اللي كنت عايز اوضحه بس مردتيش اتك اوي على الموضوع لأني جزء منه!!!

أبا يحيى وآدم
شكرا لك د/ أحمد نورت مدونتي المتواضعة
ولنا الله

أزار غزلان يقول...

عندك حق نرغي ونزبد وفي الاخير
نلاقي نفسنا بندفع وبكل رضى
عادي