المسلسل الأجنبي ER
بيتكلم عن قسم الطواريء في مستشفى بتستقبل حالات من كل التخصصات وازاي هم بيتعاملوا مع الحالات كلها لغاية ما تستقر وتتنقل للقسم المتخصص
كل ما أتفرج على المسلسل ده بحس قد اية مهنة الطب بتأثر في حياة الناس
وبتنقذ إنسان من الموت
وبتبذل مجهود قد اية عشان تنجح العملية
ولو حاجة حصلت في وسط الجراحة بيتصرفوا ازاي؟
كل ده بيخليني أحس بمدى عظمة مهنة الطب بكل تخصصتها وبالذات طب الطواريء
قد اية الأطباء كل واحد ليه حياته ومشاكله بس عارف اية اللي عليه ومسؤلياته في المستشفى
قد اية الدكتور مسئول عن حياة بني آدم
يااااااااااااااه
ومفيش أي مقارنة بمهنة الصيدلة اللي أنا فيها واللي احنا بنمارسها دلوقتي
بالرغم من أني عمري مافكرت ولا غيرت رأيي لما جه مجموعي كبير وكلية الطب ترحب بيا :)
ولا غيرت رأيي بعد كده
إلا أني كل ما أشوف المسلسل ده بحالاتة الفريدة ومواقفة العصيبة اللي بيتصرف فيها الأطباء بكل حكمة وهدوء لإنقاذ المريض
بتمنى أني أبقى معاهم وأبقى زييهم
ليا قيمة في الحياة
ليا رسالة
ليا فضل بعد ربنا طبعا في حياة بني آدم
وليس كل ما يتمناه المرء يدركه
بس أهو مجرد حلم
وتفريغ لشحنة الغضب والثورة اللي جوايا
بدل ما طق وأموت
