من هناك

إلى أحبائي وأصدقائي والمتابعين القليلين جدا جدا لكلماتي
إلى كل المصريين المقيمين بمصر

أحدثكم من المملكة العربية السعودية ... مغترب عن أهلي
منفصل عن العالم من حولي

أعمل صيدلي بصيدلية خاصة لمدة 10 ساعات يوميًا
طبعا أنت بعد ما قريت السطرين اللي فوق دول قولت في سرك (يا بختك)

- وده الأعتقاد السائد عند الكل لمن يسافر السعودية -
زي ماكون قاعد على بير بترول هنا
للأسف دي ليست حقيقة
الوضع هنا والحياة أصبحت غالية ومكلفة مثل مصر وأكثر
وخاصة حينما تعيش حياة أسرية كاملة مكونة من زوج وزوجة وأطفال

والرواتب لم تزيد زيادة متناسبة مع زيادات الحياة العادية

بالظبط زي زيادة ال10% اللي في مصرفي شهر 7 اللي بعدها الحاجات بتولع !

وخاصة مهنة الصيدلة

المهم

من ناحية الحياة هتعيش كويس - الحمد لله -

بس مفيش توفير إلا القليل

وطبعا الواحد عايز يعمل حاجة... يشتري أرض , يشتري شقة تمليك

وده مش هيتم في سنة ولا اتنين (زي ماكان بيحصل زمان)

الزمن اتغير للأسف :(

وللأسف برده كل اللي حواليك فاكرينك بتخبي عشان الحسد
ايمانًا بالمثل القائل: داري على شمعتك تأيد
ياريت... ههههههههه

وأيضًا تجد ضغوط تمارس عليك سواء بقصد أو بغير قصد
وكلمات وأسئلة تتناثر حولك ...
لم لم يفعل كذا ؟
لم لا يذهب لبيت الله الحرام كل خميس وجمعة؟
لم وألف (لم) أخرى ...

وأخيرًا:
أحب أقول لكل اللي فاكرين أني قاعد على بير بترول ...

البير خلص وبعتنا نملاه