أنا متفائل

الثورة المصرية فعلت مالم يكن يحلم به إنسان في يوم من الايام

ولذلك فالأمل مازال قائم ... صح ولا إيه ؟

أنا عندي أمل كبير الأوضاع تتحسن إن شاء الله

الحمد لله ربنا أكرمنا بكلية من كليات القمة [كلية الصيدلة]

واتخرجنا على خير

دكتور صيدلي بعد خمس سنين دراسة [رخمة أوي بصراحة]

واشتغلت علطول بعد الدراسة [الحمد لله]

وبعدين جه الجيش خدني سنة من الدنيا كلها [بلا طائل طبعا للأسف]

بس برده اشتغلت بعد ماخلصت الخدمة الوطنية ...

وبدأت أبحث عن فرصة للسفر إلى السعودية

وفعلا سافرت...

أعتقد ده شيء يدعو للتفاؤل :)

الحمد لله عمري ما قعدت من غير شغل...

أكيد ده شيء يدعو للتفاؤل :) [مرة تانية]

اه صحيح... نسيت أقولكوا أني اتجوزت [لولولولولي]

وفي انتظار نونة :) [ده رزق برده]

وعشان في مثل بيقول :

الأطفال بيجوا برزقهم

أنا متفائل جدا :)

وإن شاء الله الفرج قريب

والأمل بالله كبير