عيد الأضحى 2010

كل سنة وأنتوا طيبين

ودايما بخير وكويسين

وبالاجازة متهنين

وباللحمة مستمتعين

وادعولي بالخير -دايما- يا حبايبي يا حلوين

كتب كتابي

عايز اتكلم النهاردة عن أحلى حاجة حصلتلي في حياتي

عن كتب كتابي (يوم الخميس الموافق15-7-2010م)

مش هقدر أوصلفكوا كنت حاسس باية ساعتها

فرحة عظيمة تغمرني

وقبلات وأحضان وحب بلا حدود لأي حد واقف جنبي :)

كنت بحلم باليوم ده من سنين طويلة مريت فيها بظروف صعبة كتير

بس الحمد لله خطيبتي اللي بقت مراتي دلوقتي

كانت صبورة ووقفت جنبي كتير بصراحة واستحملتني كتير اوي

ربنا يخليها ليا يارب

ويسعدنا في حياتنا اللي جايه

وربنا يرزقكوا كلكوا

أحسن حاجة في الدنيا أنك تلاقي حد يحبك ويفهمك ويستحملك :)

لحظة اشتياق

أكتب إليكِ بعد غياب –طال كثيرًا- على الورق فقط !
فأنتِ تعيشين بداخلي... ولا أرضى بغيركِ بديلا...
أكتب إليكِ لأبثكِ أشواقي... وحبي وحناني...
أفتقدك كثيرَا يا حبيبتي...
أفتقد جلساتنا سويًا...
أسعد حينما أسترجع ذكرياتنا... وصوتك العذب الذي أعشقه...
أسعد بكلامك وثقتك وحبك...
أسعد بهداياكي التي تبهرني...
أسعد حينما أتحسس تلك الميدالية الفضية والتي تدعو الله لي بالحفظ ((فالله خير حافظ))
قلبي يرقص طربًا لرؤيتكِ...
وأشتاق لحضن دافئ منكِ...
أحب خوفك علي...
وثقتك في...
أحبك يا فتاتي أنا... أنا فقط...
وأحب كل ما فيكِ...
أعشق عيناكِ الواسعة البنية...
وأعشق................

لحظة تجمعت فيها كل تلك الأشواق... فأردت أن أنقلها إليكِ ولم أجد أفضل من الورق لحملها لكِ...

أسرح بخيالي في المستقبل القريب...
وأراكِ جالسة بجواري في بيتنا الجميل...
عينيي في عينيكِ...
ونظرات العشق تنتقل مني إليكِ... ونظرات الخجل تنتقل منكِ إلي...
ثم تقترب الوجوه...
وأرى ثغرك المتبسم....
وأعود لواقعي... فاسعد كثيرًا لأنني اختلست لحظة جميلة في الخيال...
وأتمنى أن تشاركينني فيها على أرض الواقع... قريبَا جدَا...

إلى من أحبتني بجنون ...
وأحببتها كعاشق ليلى المجنون
إليها وحدها ...
إليها أهدي تلك اللحظة

إلى حبيبتي وزوجتي/
هالة

الفلوس مابتهونش...

فعلاً الفلوس مابتهونش غير على الغلبان !

مابيهموش بيصرف اية وفي اية؟

ماهي مش فارقة كتير

هيخاف على اية؟

لكن اللي ربنا مديله متبت في القرش

بيحسبها ميت مرة قبل ما يطلع -ربع جنية مخروم- من جيبه !

ربنا يدينا ويديكوا

بس اوعوا تبقوا كده

ربنا يرحمنا ويهدينا

آآآآآآآآآآآآآآآآمين