الأربعاء، 31 ديسمبر 2008

لغز الحياة


اكتشفت أن الحياة دي ما هي إلا....

شوية فلوس !!!


معالك فلوس إذن أنت عايش ومية مية (وش مطلع لسانه)

معكش يبقى ميلزمكش وملكش وجود أساسًا.... إلا في خيالك !!


أنا عارف أن الفلوس مهمة بس مش هي كل حاجة ...


إيه يعني لما نتجوز على قد اللي معانا ؟؟؟


لازم الجهاز بــ 70 ألف

والشبكة بــ 20 ألف

والفرح بــ 10 آلاف

؟؟؟؟؟؟؟؟؟؟؟؟؟؟؟؟؟؟؟؟؟؟


لازم ...

أصل ولاد خالتي عملوا كده !!!

أصل بنات عمتى صرفوا كده !!!

وأصل العيله تقول علينا إيه؟؟؟؟


(( هو أنا اللي هتجوز ولا العيلة ؟؟!!! ))


أصل مستوانا مايسمحش ... (( ههههه... بنتكلم عن المستوى واحنا مش معانا ! اومال لما يبقى عندنا هنعمل اية؟؟؟ ))


أنا معقد ... صح؟


ماهو اللي يعيش في البلد دي لازم يتعقد ويتعب


شكرا للبلد وكل العادات والتقاليد


هناك 4 تعليقات:

أحمد فضيض يقول...

وجهة النظر دي بس عشان أنت عاوز تتجوز :D

بس أخرج بعقلك عن نطاق المحلية المحصور ده، وبدل التهكم على البلد شوف بقية البلاد ، فالأغلبية حول العالم كله كده بنفس الشروط او شروط أغلى :)

وبجد.. دور في حياتك هتلاقي معارف برضه اتجوزوا وظروفهم صعبة، بس اللي ساعد على نجاح الأمر بالإضافة للتوفيق من الله هو تساهل العائلة كثيرا ..

وعلى أي حال، الفقراء برضو بيتجوزا ^_^

Dr.Amor Medhat يقول...

لا والله مش بس عشان عايز اتجوز
عشان بس اعيش كويس

العائلة دلوقتي بتقولك عايزين ضمانات
يعني لو معاك رصيد في البنك هتبقى أحلى ضمان
انما لو معاك اخلاقك وحبك والكلام اللي مش جايب همه ده فـ ... سوري معلش مفيش

يارتني كنت فقيرررررررر خاااالص

كنت رحمت نفسي من التفكير

الحمد لله اني عايش لغاية دلوقتي
:)

Ihab Omar يقول...

و ما الحياة الا شوية فلوس
و الله العظيم دا اعظم حكمة انا قريتها في عمري
فعلا و عن تجربة يا ابني هو دا الكلام

Hala Bedair يقول...

انا مش معاااااااااك يا عمرو
انا مش معااااااااك .... الرسول عليه الصلاه والسلام قال اذا جاءكم من ترضونه دينه ما قالش من ترضون مادياته ولا فلوسه.. الانسان بدينه واخلاقه