الثلاثاء، 22 أبريل 2008

معتقدات فكرية


* الصيدلي = بقال + تمرجي !


* أنا لا أبالي... إذن أنا موجود !


* أحترس... أحنا بننزل لتحت... بننزل لتحت... بننزل لـ....!

* حينما يقولون أن هذا الكاتب (ساخر) فلابد أن كتابه (ساحر) وتلك هي (نقطة) التميز !


* حينما يعطيك أحدهم موعدًا فلا تنظر إلى ساعتك كثيرًا... فنحن هنا نقدر قيمة الساعة !


* أسهل شيء كتابة كلمات مؤثرة و ذات هدف سامي ولكن أصعب شيء... تطبيقها !




* إذا سمعت صوتًا وأنت جالس بمفردك في الحجرة فهناك احتمالان:
أما يكون صوت فأر (يلعب) في أشيائك... أو أنه ضميرك... ينبئك بأن هناك صوت فأر (يلعب) في أحشائك !


* حينما تنظر إلى شيء ما... لا تنظر إلى مجمله ولكن دقق النظر وانظر إلى تفاصيله... فالمجمل أحيانًا يكون أعقد بكثير من التفاصيل !



* أفضل جواب للرد على رسالتك... عدم الرد عليها !


* إذا كانت الحياة تهب عطاياها... فليكفيك منها أنها وهبتك الحياة فيها حتى الآن !


* الحب = الحب فقط لا غير... الزواج = المادة + أي شيء آخر...

إذاً الحب لا علاقة له بالزواج !

هناك 9 تعليقات:

Mo7amed Elbery يقول...

بجد روووعة ـ مقولات جامدة جداً ـ تسلم عليها يا دكتور ـ ومستني الجديد بتاعك هنا ان شاء الله ـ :)

وياريت اللي كُنت نازل بيه المعرض تنزله هوونا :)

Dr.Amor Medhat يقول...

شكرا يا بري على التعليق
ربنا يخليك ليا
اللي نزل في المعرض (لا مبالاة & معتقدات فكرية)
والاتنين هنا
ويارب يعجبك الموضوعين
مع تحياتي

غير معرف يقول...

الف مبرووووووووك عالبلوج
ربنا يوفقك دايما

أبو نور الدين يقول...

إيه يا واد يا عمرو خفة الدم دى
يخرب عقلك يا مضروب
إنت بتجيب الكلام دا منين
وبعدين هو انت نزلت إيه فى المعرض مش تفرجنا كدا
ولا خلاصأنا عرفت إن دول اللى نزلو فى المعرض معلش العتب ع النظر
وبعدين يا عمرو إسأل مجرب يقول لك
أنا عن نفس من أرض الحدث بقول لك
الزواج معايا=حب+حب+أشياء أخرى
عشان أنا بيتى ماشى بالإسلام
وكلمة سر
أنا كل يوم بحب مراتى أكتر
وخصوصا لما شرف القائد نور الدين محمود
على عكس ما الناس فاهمين
إن الهم زاد والحمل بقى كتير
إسمع يا عمرو وقول لصحابك
الإسلام حلو أوى أوى ويسعد حياتنا كلها
بس مين اللى هيفهم
صدقنى أنا مش بكذب عليك
وعلى فكرة برضوسر
أنا لسه بعمل قصايد غزل فى زوجتى
ولها مخصوص
أى خدمة يا معلم عمرو

غير معرف يقول...

ايه ياعمووووووور الجمال ده كلو


تمرجي + بقال= صيدلي هههههههه

الجمله دي سمعتها فين قبل كده؟؟؟؟؟

هي علقت معاك ليه كل ده يابني

عارفه انها جت علي الاجرح بس انت عارف

الشاش والقطن غالي والبقال معندوش شاش

فروح اسئل عن المكوجي ههههههه

بس بجد بلوجست روعه وخاصه التمرجي دي

وربنا يوفقك

اختك شيماء

وهات الخمسه جنيه اللي عليك هههههه

Dr.Amor Medhat يقول...

الله يبارك فيكي يا نودي
*******
وشكر خاص جدا لأبو نور الدين اللي نصايحه مغرقاني
((كلام في سرك :أنت مثلي الأعلى)) أوعى تقول لحد بقى !
******
شيماء
عجبتك اوي (( ماشي لما أشوفك بس))
وبالنسبة للخمس جنيه:
مفيش غير نفس الربع الجنية المخرررررررروم!!!
هههههههه

ٍSOU يقول...

أفضل جواب للرد على رسالتك... عدم الرد عليها !

نفسى حد يقدر لما ارد علية ب اللا رد ..ان دة ردى ..
تسلم ايدك

Dr.Amor Medhat يقول...

شكرا لكي سو أولا على الزيارة الأولى لمدونتي ويارب ماتكونش الأخيرة
وبالنسبة لحكاية الرد دي
لم يعد أحد يفهم -أصلاً- معنى الرد سواء هناك رد أم لم يكن !!!
مع تحياتي

سالي محمد يقول...

حلو الكلام ده والله انا نفسي ارزعك تعليق جامد بس تقريبا عاوزه انام فعشان كده حقلك بس ان البوست جنااااااااااااان مش اكتر