عتاب لمصر

يا مصر

طارده ولادك منك ومكرههم فيكي

لا قادرين يعيشوا بعيد عنك ولا قادرين يعيشوا فيكي

ليه يا مصر كده

ليه أهلك هم أهل الذل والشقا والتعب

والأجانب فيكي هم أهل العزة والكرامة

ليه مش مكفية أهلك وولادك زي غيرك


ليه يا مصر

كل ولادك مش عارفين يعيشوا فيكي

بحبك آة بس أنتي كارهاني ومش مساعداني أني الاقي لقمة عيشي فيكي !

للأسف 0000

يا خسارة

مجموعة صيدليات (رحيق السلامة)

أنا سافرت الحمد لله بعد بحث وعناء
على مجموعة صيدليات (4 صيدليات فقط) بس شغلها الحمد لله كويس

في المنطقة الشرقية (الاحساء)

في أشهر شارع هناك (شارع النجاح)

دي صورة الفرع اللي أنا شغال فيه

الشغل كويس...



زي شغل مصر بالظبط

الكفيل بتاعنا



راجل محترم بصراحة



والدكاترة كلهم هنا محترمين وودودين الحمد لله



برده الناس هنا إلى حد ما كويسين برده

ماقبلتش ناس وحشة كتير (يمكن اتنين تلاتة بس)



ادعولي ربنا يوفقني ويحققلي كل اللي بحلم بيه



د.صيدلي/عمرو مدحت الفقي

أول زيارة ليا خارج البلاد المصرية

26- 8- 2010 م

16 رمضان 1431 هـ

أول رحلة طيران في حياتي

وأول زيارة ليا للممكلة العربية السعودية

بصراحة الرحلة كانت لذيذة والطيارة مش مُرعبة زي ما كنت متخيل -الحمد لله-

بس أنا كان عندي مغص شديد في بطني من أول ما ركبت !

مش عارف من التوتر ولا أنا اتسحرت كتير في البيت قبل ما أسافر -وكأن ده آخر أكل هكله في حياتي- ؟!

بس الحمد لله على الليل معدتي بقت عادي

وجبت خط زين :)

وماشي الحال الحمد لله

إن شاء الله هتكلم عن المجموعة اللي انا فيها في المملكة

(المنطقة الشرقية)

الاحساء /

شارع النجاح /

د.صيدلي. عمرو