سائرًا في حر السعودية القاسي
وجوها الخانق
حانقًا على نفسي وعلى عملي
وعلى عدم وجود سيارة أجرة تقلني لآخر الشارع !
وأيضًا على عدم امتلاكي لـ(حتة عربية صغيرة اروح بيها مشاويري القليلة جدا)
المهم
أشرت لكل السيارات المتجهه لآخر الشارع دون جدوى
وبعد فترة ليست بالقليلة وأيضًا ليست بالكثيرة
وجدت صاحب أحدى السيارات يشير لي بيديه: (رايح فين؟)
اتجهت له بعدما (ركن على جنب)
وقولت: (تاخدني آخر الشارع؟)
هو: اتفضل ... ليه متردد ؟
أنا: (ممكن ... يكون مش طريقك)
خلال الرحلة القصيرة تلك تبادلنا بعض الكلمات عن ذلك الجو الشديد الحرارة
لدرجة تذيب أقوى العقول :) , وعن عدم توافر شركات لسيارات الأجرة هنا !
وبعدما وصلنا
أنا(فاتح المحفظة بتاعتي وايدي على الفلوس) : (عايز كم ؟)
هو (ينظر لي بابتسامة) : (عايز خمسة)
أنا(خرجت 5ريال من المحفظة) : أتفضل ... وشكرا ليك
هو (ويده ممدودة) : لا عايز الخمسة دول (ويشير بيده)
فسلمت عليه بيدي ذات الأصابع الخمس
فسلمت عليه بيدي ذات الأصابع الخمس
وشكرته ثانيًا
وذهبت بعيدا... وأنا أفكر...
أن مصر فعلا أم الدنيا مهما حصل
وأن السعودية فيها ناس زي الفل :)
